ଭାରତର RAWକୁ ଫସାଇବାକୁ ଚାହୁଁଥିଲା ଆତଙ୍କୀ ଦେଶ ପାକିସ୍ତାନ, କୋର୍ଟରେ ନିଜ ହୀନ ଚକ୍ରାନ୍ତରେ ବିଫଳ ହେଲା
ନୂଆଦିଲ୍ଲୀ : ଆତଙ୍କର ଆକା ପାକିସ୍ତାନ ଭାରତକୁ ବଦନାମ କରିବା ପାଇଁ ଯେତେ ହୀନ ଉଦ୍ୟମ କଲେ ମଧ୍ୟ ତାର ଅସଲ ମୁଖା ସର୍ବଦା ଦୁନିଆ ସାମ୍ନାରେ ଚାଲି ଆସୁଛି । କରାଚିରେ ଚୀନ ବାଣିଜ୍ୟ ଦୂତାବାସରେ ହୋଇଥିବା ଆତଙ୍କୀ ହମଲାରେ ପାକିସ୍ତାନ ଭାରତକୁ ଫସାଇବାକୁ ଷଡଯନ୍ତ୍ର ରଚୁଥିଲା । ମାତ୍ର ଏହି ଆତଙ୍କୀ ଦେଶ ନିଜ ଉଦ୍ଦେଶ୍ୟରେ ସଫଳ ହୋଇ ପାରିନାହିଁ । ୨୦୧୮ ନଭେମ୍ବରରେ କରାଚି ସ୍ଥିତ ଚୀନ ବାଣିଜ୍ୟ ଦୂତାବାସ ଉପରେ ହୋଇଥିବା […]
The post ଭାରତର RAWକୁ ଫସାଇବାକୁ ଚାହୁଁଥିଲା ଆତଙ୍କୀ ଦେଶ ପାକିସ୍ତାନ, କୋର୍ଟରେ ନିଜ ହୀନ ଚକ୍ରାନ୍ତରେ ବିଫଳ ହେଲା appeared first on Odisha Bhaskar.
ନୂଆଦିଲ୍ଲୀ : ଆତଙ୍କର ଆକା ପାକିସ୍ତାନ ଭାରତକୁ ବଦନାମ କରିବା ପାଇଁ ଯେତେ ହୀନ ଉଦ୍ୟମ କଲେ ମଧ୍ୟ ତାର ଅସଲ ମୁଖା ସର୍ବଦା ଦୁନିଆ ସାମ୍ନାରେ ଚାଲି ଆସୁଛି । କରାଚିରେ ଚୀନ ବାଣିଜ୍ୟ ଦୂତାବାସରେ ହୋଇଥିବା ଆତଙ୍କୀ ହମଲାରେ ପାକିସ୍ତାନ ଭାରତକୁ ଫସାଇବାକୁ ଷଡଯନ୍ତ୍ର ରଚୁଥିଲା । ମାତ୍ର ଏହି ଆତଙ୍କୀ ଦେଶ ନିଜ ଉଦ୍ଦେଶ୍ୟରେ ସଫଳ ହୋଇ ପାରିନାହିଁ । ୨୦୧୮ ନଭେମ୍ବରରେ କରାଚି ସ୍ଥିତ ଚୀନ ବାଣିଜ୍ୟ ଦୂତାବାସ ଉପରେ ହୋଇଥିବା ଆକ୍ରମଣ ସମ୍ବନ୍ଧିତ ଏକ ମାମଲାରେ ଭାରତର ଭୂମିକା ଥିବା ଅଭିଯୋଗ କରି ପାକିସ୍ତାନ ଏହାକୁ ପ୍ରମାଣିତ କରିବାକୁ ହୀନ ପ୍ରୟାସ ଚଳାଇଥିଲା । ହେଲେ ଏଥିରେ ସେ ବିଫଳ ହୋଇଛି । ଏହି ଆତଙ୍କୀ ଆକ୍ରମଣରେ ଚାରି ଜଣଙ୍କ ମୃତ୍ୟୁ ଘଟିଥିଲା ।
ଦ ନ୍ୟୁଜ୍ ଇଂଟରନ୍ୟାସନାଲର ରିପୋର୍ଟ ଅନୁଯାୟୀ, ପାକିସ୍ତାନ ଦାଖଲ କରିଥିବା ଚାର୍ଜସିଟରେ ଅଭିଯୋଗ କରିଥିଲା ଯେ, ପାକିସ୍ତାନ ଓ ଚୀନ ସଂପର୍କରେ ଫାଟ ସୃଷ୍ଟି କରିବା ଏବଂ ଚୀନ-ପାକିସ୍ତାନ ଇକୋନୋମିକ କରିଡର ପ୍ରକଳ୍ପରେ ବାଧା ଦେବା ପାଇଁ ଭାରତ ନିଜ ରିସର୍ଚ୍ଚ ଆଣ୍ଡ ଆନାଲିସିସ ୱିଙ୍ଗ ର ସହିତ ମିଶି ବିଦ୍ରୋହୀ ଗୋଷ୍ଠୀ ବଲୁଚ ଲିବେରେସନ ଆର୍ମି(ବିଏଲଏ) ଦ୍ୱାରା ଚୀନର ବାଣିଜ୍ୟ ଦୂତାବାସ ଉପରେ ଆକ୍ରମଣ କରିଥିଲା ।
ହେଲେ ଏଟିସି-ସପ୍ତମ ଜଜ ପାକିସ୍ତାନ ସରକାରଙ୍କ ଏହି ଚାର୍ଜସିଟ୍୍୍କୁ ପ୍ରଭାବଶାଳୀ ନଥିବା କହିଛନ୍ତି । ଏଥିରେ ଆହୁରି ତଦନ୍ତର ଆବଶ୍ୟକତା ଥିବା କହିଛନ୍ତି । କୋର୍ଟ ଆଦେଶ ଦେଇଛନ୍ତି ଯେ, ଅଭିଯୋଗକାରୀଙ୍କ ଜୁଲାଇ ୭ରେ ଅଦାଲତରେ ହାଜର ହେବା ନେଇ ପ୍ରଥମେ ସୁନିଶ୍ଚିତ କରାଯାଉ । କାରଣ ସେ ଗତ ଚାରୋଟି ଶୁଣାଣିରେ କୋର୍ଟରେ ହାଜର ହୋଇ ନାହାନ୍ତି । ଅନ୍ୟପଟେ କୋର୍ଟ ଏହି ମାମଲାରେ ଚଳିତ ବର୍ଷ ଜାନୁଆରୀରେ ପାଂଚ ଜଣଙ୍କୁ ଅସ୍ତ୍ର ଶସ୍ତ୍ର ଓ ଅର୍ଥ ଯୋଗାଇବା ଏବଂ ଆତଙ୍କୀଙ୍କୁ ଆଶ୍ରୟ ଦେବା ଅପରାଧରେ ଦୋଷୀ ସାବ୍ୟସ୍ତ କରି ସାରିଛନ୍ତି । ଫଳରେ ଆତଙ୍କୀ ପାକିସ୍ତାନ ଭାରତକୁ ବଦନାମ କରିବାର ହୀନ ଚକ୍ରାନ୍ତ ପୁଣି ଥରେ ପଣ୍ଡ ହୋଇଛି ।
ସୂଚନାଯୋଗ୍ୟ, ବିପୁଳ ପରିମାଣରେ ଅସ୍ତ୍ର ଶସ୍ତ୍ର ସହ ତିନି ଆତଙ୍କବାଦୀ ୨୦୧୮ ନଭେମ୍ବରରେ କରାଚିର କ୍ଲିଫଟନ ସ୍ଥିତ ଚୀନ ବାଣିଜ୍ୟ ଦୂତାବାସ ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ସୁରକ୍ଷାକର୍ମୀ ଏବଂ ଭିସା ପାଇଁ ଆସିଥିବା ଲୋକଙ୍କ ସମେତ ୪ ଜଣଙ୍କ ମୃତ୍ୟୁ ଘଟିଥିଲା । ପରେ ଆକ୍ରମଣକାରୀଙ୍କ ଚିହ୍ନଟ ଅବଦୁଲ ରଜାକ, ରଇସ ବଲୁଚ ଓ ଅଜଲ ବଲୁଚ ରୂପେ ହୋଇଥିଲା । ତିିନି ଆତଙ୍କବାଦୀ ପୋଲିସ ଏନକାଉଂଟରେ ନିହତ ହୋଇଥିଲେ । ସେମାନଙ୍କ ନିକଟରୁ ବିପୁଳ ପରିମାଣରେ ଗୋଳା-ବାରୁଦ ଓ ବିସ୍ଫୋରକ ଜବତ କରାଯାଇଥିଲା । ଏମାନଙ୍କୁ ସାହାଯ୍ୟ କରିଥିବା ଅନ୍ୟ ପାଂଚ ଆରୋପିଙ୍କୁ ଗିରଫ କରାଯାଇଥିଲା । ସମସ୍ତେ କୋର୍ଟରେ ବିଚାରପତିଙ୍କ ସାମ୍ନାରେ ନିଜ ଦୋଷ ସ୍ୱୀକାର କରିଥିଲେ ।
The post ଭାରତର RAWକୁ ଫସାଇବାକୁ ଚାହୁଁଥିଲା ଆତଙ୍କୀ ଦେଶ ପାକିସ୍ତାନ, କୋର୍ଟରେ ନିଜ ହୀନ ଚକ୍ରାନ୍ତରେ ବିଫଳ ହେଲା appeared first on Odisha Bhaskar.