ଜେଜେ ବାପା ର ଟାଙ୍ଗିଆ ଚୋଟ ରେ ନାତି ଗୁରୁତର , ପୋଲିସ କବଜାରେ ମୂଖ୍ୟ ଅଭିଯୁକ୍ତ ଜେଜେ ବାପା
ନାଲକୋ :-
ନିଜ ପୁତୁରା ର ପୁଅ ନାତି କୁ ଟାଙ୍ଗିଆ ରେ ଆକ୍ରମଣ କରିବା ଅଭିଯୋଗରେ ରେ ଜେଜେ ବାପା କୁ ଗିରଫ କରିଛି ନାଲକୋ ପୋଲିସ। ପୋଲିସ ର ସୂଚନା ଅନୁଯାୟୀ କୁଲାଡ ଗ୍ରାମରେ ଆଜି ସନ୍ଧ୍ୟା ୬ ଘଟିକା ସମୟ ରେ ବିଘ୍ନେଶ୍ୱର ଦେହୁରୀ ଓ ସୋମବାରି ଦେହୁରୀଙ୍କ ୧୪ ବର୍ଷୀୟ ପୁଅ ଘର ବାହାରେ ଖେଳୁ ଥିବା ସମୟରେ ପୂର୍ବ ଶତ୍ରୁତା ପାଇଁ ରାଗ ରଖି ବିଘ୍ନେଶ୍ୱର ଦେହୁରୀ ଙ୍କ ଦାଦା ପର୍ଶୁରାମ ଦେହୁରୀ (୫୫) ଏକ ଧାରୁଆ ଟାଙ୍ଗିଆ ରେ ବିଘ୍ନେଶ୍ୱର ଦେହୁରୀ ଙ୍କ ପୁଅ କୁ ଆକ୍ରମଣ କରିଥିଲା। ଆକ୍ରମଣ କରିବା ପରେ ୧୪ ବର୍ଷୀୟ ନାବାଳକ ପୁଅର କାନ ମୂଳ ରେ ଟାଙ୍ଗିଆ ଚୋଟ ଟି ବାଜିବା କ୍ଷଣେ ଘଟଣା ସ୍ଥଳରେ ସେ ଅଚେତ୍ ହୋଇ ପଡ଼ି ଯାଇଥିଲେ। ପରେ ପରିବାର ପକ୍ଷରୁ ତୁରନ୍ତ ତାଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଡାକ୍ତରଖାନା କୁ ନେଇ ଚିକିତ୍ସା କରିଥିଲେ। ଖବର ପାଇ ନାଲକୋ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ କାବୁ କରିବା ରେ ସଫଳ ହୋଇଥିଲା। ଘଟଣା ସ୍ଥଳରୁ ନାଲକୋ ପୋଲିସ ଦ୍ଵାରା ଆକ୍ରମଣରେ ବ୍ୟବହୃତ ଟାଙ୍ଗିଆ କୁ ଜବତ କରିଛି। ତେବେ ମୁଖ୍ୟ ଅଭିଯୁକ୍ତ ପର୍ଶୁରାମ ଦେହୁରୀ ଙ୍କୁ ଅଟକ ରଖି ପୋଲିସ ଅଧିକ ତଦନ୍ତ କରୁଛି ।
ଅନୁଗୋଳ ରୁ ନିହାର ରଞ୍ଜନ ପଟ୍ଟନାୟକ
Dreamsrider 
