*ଜୟ ମହାକାଳ ଫାଉଣ୍ଡେସନର ନିଆରା କାର୍ଯ୍ୟକ୍ରମ*
ଯାଜପୁର: ନିଜର ସେବା କାର୍ଯ୍ୟକୁ ନେଇ ଓଡ଼ିଶାରେ ପରିଚିତ ସ୍ବେଚ୍ଛାସେବୀ ଅନୁଷ୍ଠାନ ଜୟ ମହାକାଳ ଫାଉଣ୍ଡେସନର ନିଆରା କାର୍ଯ୍ୟକ୍ରମ। ସଦସ୍ୟଙ୍କ ବଡ଼ ଭଉଣୀଙ୍କ ଏକାଦଶାହ କ୍ରିୟା ଅବସରରେ ଯାଜପୁର ଜିଲ୍ଲା ସ୍ଥିତ ଯାଜପୁର ରୋଡରେ ଥିବା ଅନାଥାଶ୍ରମରେ ଅନ୍ନଦାନ, ଗୋସେବା, ବୃଦ୍ଧାଶ୍ରମରେ ଅନ୍ନଦାନ ଓ ସେବା କାର୍ଯ୍ୟ ଭଳି ମହତ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଫାଉଣ୍ଡେସନର ସଦସ୍ୟ ପ୍ରଭାତ କୁମାର ସେଠୀଙ୍କ ବଡ଼ ଭଉଣୀ ସ୍ୱର୍ଣ୍ଣ ଲକ୍ଷ୍ମୀ ସେଠୀଙ୍କ ଅକାଳ ବିୟୋଗ ଘଟିଛି । ଭଉଣୀଙ୍କ ଅମର ଆତ୍ମାର ସଦଗତି ନିମନ୍ତେ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ଫାଉଣ୍ଡେସନ ତରଫରୁ ଶ୍ରଦ୍ଧାଞ୍ଜଳି ଦିଆଯାଇ ଶୋକ ସନ୍ତପ ପରିବାରବର୍ଗଙ୍କୁ ଧୈର୍ଯ୍ୟଶକ୍ତି ଦିଅନ୍ତୁ ବୋଲି କାମନା କରାଯାଇଛି । ତେବେ ଯାଜପୁର ଜିଲ୍ଲା ଯାଜପୁର ରୋଡ଼ର ଦାନଗଦି ମିଲିଟାରୀ ଛକ ନିକଟବର୍ତ୍ତୀ ଅନ୍ନପୂର୍ଣ୍ଣା ଚାଇଲ୍ଡ କେୟାର ହୋମ ଅନାଥ ଆଶ୍ରମରେ ୧୦୦ ଜଣ ଅନାଥ ଶିଶୁମାନଙ୍କୁ ଅନ୍ନଦାନ କରାଯାଇଛି। ଏହା ସହ ଶ୍ରୀ ବ୍ୟାସ ସରୋବର ଗୋଶାଳା ଠାରେ ଗୋ-ସେବା ଏବଂ ଶେଷରେ ପାଣିକୋଇଲି ସ୍ଥିତ "ଶେଷ ପରିଚୟ ବୃଦ୍ଧାଶ୍ରମ"ରେ ଅନ୍ନଦାନ ଓ କମ୍ବଳ ବଣ୍ଟନ ସହ ସେବାକାର୍ଯ୍ୟ କରାଯାଇଛି ।ତେବେ ଏହି କାର୍ଯ୍ୟକ୍ରମରେ ଫାଉଣ୍ଡେସନର ସଭାପତି ମନୋଜ କୁମାର ଦାସଙ୍କ ସହ ବହୁ ସଦସ୍ୟ ଉପସ୍ଥିତ ରହି କାର୍ଯ୍ୟରେ ସହଯୋଗ କରିଥିଲେ ।
Dreamsrider 
