ନୂଆଗାଁ ଓଡ଼ିଶା ଆଦର୍ଶ ବିଦ୍ୟାଳୟ ର ନିଜସ୍ଵ କ୍ୟାମ୍ପସ ଶୁଭ ଉଦ୍ଘାଟନ ହୋଇଯାଇଛି ।

ନୟାଗଡ ଜିଲ୍ଲା ନୂଆଗାଁ ବ୍ଲକ ସଦର ମହାକୁମାରେ ଥିବା ବିରୂପାକ୍ଷେଶ୍ୱର ମନ୍ଦିର ନିକଟରେ ନିର୍ମାଣ ଧୀନ ନୂଆଗାଁ ଓଡ଼ିଶା ଆଦର୍ଶ ବିଦ୍ୟାଳୟ ର ନିଜସ୍ଵ କ୍ୟାମ୍ପସ ଆଜି ଆନୁଷ୍ଠାନିକ ଭାବରେ ଶୁଭ ଉଦ୍ଘାଟନ ହୋଇଯାଇଛି । ଉକ୍ତ କାର୍ଯ୍ୟକ୍ରମ କୁ ନୟାଗଡ ଜିଲ୍ଲାପାଳ ଶ୍ରୀ ଅକ୍ଷୟ ସୁନିଲ ଅଗ୍ରୱାଲ ଆନୁଷ୍ଠାନିକ ଭାବରେ ଉଦ୍ଘାଟନ କରିଛନ୍ତି । ସୂଚନା ଥାଉକି ଦୀର୍ଘ ଦିନ ଧରି ନୂଆଗାଁ ଆଦର୍ଶ ବିଦ୍ୟାଳୟକୁ ନେଇ ବହୁ ବାଦ ବିବାଦ ଦେଖାଦେଇଥିଲା । ଆଜି ସେଥିରେ ପର୍ଣ୍ଣଛେଦ ପଡିଛି । ନୟାଗଡ ଜିଲ୍ଲାପାଳ ଆଜି ଉପସ୍ଥିତ ରହି ନିଜ କର କମଳରେ ବିଦ୍ୟାଳୟ ପରିସରରେ ପ୍ରାରମ୍ଭରେ ବୃକ୍ଷ ରୋପଣ କରି ବିଦ୍ୟାଳୟକୁ ଆନୁଷ୍ଠାନିକ ଭାବରେ ରିବନ କାଟି ଉଦ୍ଘାଟନ କରିଥିଲେ । ତତ ସହିତ ଏକ ସଭାର ଆୟୋଜନ କରାଯାଇଥିଲା । ପ୍ରଥମ କରି ଷଷ୍ଠରୁ ଅଷ୍ଠମ ଶ୍ରେଣୀର ଛାତ୍ର ଛାତ୍ରୀ ବିଦ୍ୟାଳୟକୁ ଆନନ୍ଦ ରେ ଆସିଥିଲେ । ମନରେ ନୂତନ ଆଶା ନୂତନ ଘର ,ନୂତନ ଗୃହରେ ପାଠପଢା ପାଇଁ ଛାତ୍ର ଛାତ୍ରୀ ଆନନ୍ଦିତ ହୋଇଯାଇଥିଲେ । ଉକ୍ତ ସଭାରେ ସିଡିଏ-ତଥା-କାର୍ଯ୍ୟନିର୍ବାହୀ ଅଧିକାରୀ, ଜିଲ୍ଲା ପରିଷଦ ନୟାଗଡ଼ ଲଗ୍ନଜିତ ରାଉତ, ନୟାଗଡ ଜିଲ୍ଲା ଶିକ୍ଷା ଅଧିକାରିଣୀ ରାଜଶ୍ରୀ ପଟନାୟକ,ବରିଷ୍ଠ ଯନ୍ତ୍ରୀ ବିରେନ୍ଦ୍ର ବିଶ୍ବାଳ ,ନୂଆଗାଁ ବ୍ଲକ ଶିକ୍ଷା ଅଧିକାରୀ ଭକ୍ତି ବିନୋଦ ଶଲ ,ନୂଆଗାଁ ତହସିଲଦାର ହେମନ୍ତ କୁମାର ନାୟକ ,ବିଡିଓ ଅମୃତ ରାଉଳ , ନୂଆଗାଁ ଆଦର୍ଶ ବିଦ୍ୟାଳୟ ଅଧକ୍ଷ ପ୍ରଶାନ୍ତ କୁମାର ସାହୁ ,ନୂଆଗାଁ ଉଚ୍ଚ ବିଦ୍ୟାଳୟ ଭାରପ୍ରାପ୍ତ ପ୍ରଧାନ ଶିକ୍ଷକ ଭୀମସେନ ଦାସ ସମେତ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି, ବୁଦ୍ଧିଜୀବୀ ଓ ଅଭିଭାବକ ମାନେ ଉପସ୍ଥିତ ରହିଥିଲେ । ନୟାଗଡ଼ ରୁ Senior Editor ସଞ୍ଜୟ ଦତ୍ତ ଆଚାର୍ଯ୍ୟ ଙ୍କ ରିପୋର୍ଟ୍ Dreams Rider News